Gənclərin beynəlxalq səfər və tədbirlərdə iştirakını dəstəkləmək üçün Azərbaycan Respublikası Gənclər və İdman Nazirliyinə aşağıdakı şərtlərə uyğun olaraq müraciət etmək mümkündür:
Müraciət müddəti:
- Vizaya ehtiyacı olan gənclər beynəlxalq tədbirdə iştirakla bağlı Nazirliyə səfər tarixindən ən azı 45 gün əvvəl müraciət etməlidirlər.
- Vizaya ehtiyacı olmayan gənclər isə beynəlxalq tədbirdə iştirakla bağlı Nazirliyə səfər tarixindən ən azı 30 gün əvvəl müraciət etməlidirlər.
- İstisna hallar mümkündür (tədbirin əhəmiyyətindən asılı olaraq).
Lazımi sənədlər:
- Müraciət məktubu
- Tədbirdə iştirakın önəmi ətraflı şəkildə qeyd edilməlidir.
- Məktub Azərbaycan dilinin qaydalarına uyğun olaraq tərtib edilməlidir.
- Məktub Gənclər və idman nazirinə ünvanlanmalıdır.
- Dəvət məktubu
- Tədbir təşkilatçılarından alınan dəvət məktubu təqdim edilməlidir.
- Dəvət məktubunda onun kimə ünvanlandığı və hansı xərclərin qarşılandığı aydın şəkildə göstərilməlidir.
- Tədbir haqqında məlumat
- Tədbir haqqında ümumi məlumat (tədbirin rəsmi saytı daxil olmaqla) təqdim olunmalıdır.
- Dəstək məktubu
- Əgər müraciət edən şəxs təhsil müəssisəsinin və ya digər bir qurumun nümayəndəsidirsə, həmin təşkilatdan dəstək məktubu təqdim olunmalıdır.
- Şəxsiyyət vəsiqəsi və passportun nüsxəsi
- Şəxsiyyətin təsdiqi üçün vəsiqənin və passportun surəti əlavə edilməlidir. Etibarlılıq müddətinə diqqət edilməlidir.
- CV forması
- Şəxsin təhsili, sosial ictimai fəaliyyəti, əmək fəaliyyəti (varsa) və haqqında digər məlumatları özündə əks etdirməlidir.
- Motivasiya məktubu
- Tədbirdə iştirak motivasiyası və gözləntilər ifadə edilməlidir.
Xərclər barədə:
- İştirak haqqı xərcləri qarşılanmır.
- Dəvət məktubunun şərtlərindən asılı olaraq nəqliyyat, ezamiyyə, və viza xərcləri qarşılana bilər.
Qeyd:
- Səfər və ya tədbirin dəstəklənməsi Nazirliyin “Gənclərlə iş” şöbəsinin müraciəti araşdırmasından, mövcud imkanlardan və tədbirin əhəmiyyətindən asılıdır. Yekun qərar Azərbaycan Respublikası Gənclər və İdman Nazirliyinin rəhbərliyi tərəfindən verilir.
Müraciət üçün:
- Müraciət məktubu və müvafiq sənədləri Gənclər və İdman Nazirliyinə gələrək əyani şəkildə təqdim edə, yaxud [email protected] elektron poçt ünvanına göndərə bilərsiniz.